Bæklingur Upp í sveit

Hvernig væri að kynnast landi og þjóð betur með bæklinginn UPP Í SVEIT 2013 sem ferðafélaga? 
 
Í bæklingnum eru upplýsingar um 180 ferðaþjónustubæi innan vébanda Ferðaþjónustu bænda um land allt sem bjóða upp á  fjölbreytta gistingu, afþreyingu við allra hæfi og máltíðir að hætti heimamanna.  Gistingin er fjölbreytt og má þar nefna gistihús bænda, sveitahótel, heimagistingu og sumarhús. Þá eru afþreyingarmöguleikar aldrei langt undan og má t.d. nefna merktar gönguleiðir, hestaferðir / hestasýningar, golf, veiði, fjórhjólaferðir, kynningu á sveitastörfum og afslöppun í heitum potti.
 
Í bæklingnum er einnig að finna upplýsingar um bæi sem eru þátttakendur í verkefni Bændasamtakanna um Opinn landbúnað þar sem kostur gefst á að kynnst nútímabúskap og fjölbreyttri starfsemi í sveitum landsins.  Markmiðið er að koma á framfæri því besta sem sveitin hefur upp á að bjóða fyrir ferðamenn.
 
Bæklinginn er hægt að nálgast á skrifstofu Ferðaþjónustu bænda að Síðumúla 2 - 108 Reykjavík, á upplýsingamiðstöðvum, N1 víða um land, samgöngumiðstöðvum, sölustöðum ferða og fjölsóttum ferðamannastöðum um land allt og í verslunum Krónunnar á Granda, Reykjavíkurvegi, Bíldshöfða, í Lindum, Mosfellsbæ og Jafnaseli (frá mánudegi til fimmtudags). Einnig er hægt að skoða bæklinginn rafrænt á vefnum eða panta hann og fá sendan heim (sjá hér fyrir neðan).

 
 
Góða ferð upp í sveit!

Upp í sveit 2013 
 
 
 

Skoðaðu bæklinginn á vefnum 

 
Pantaðu bæklinginn og fáðu hann
sendan heim í pósti!