Giljur gistihús


Giljur gistihús

Gisting í nýuppgerðu sérhúsi á bóndabæ með búrekstri í Mýrdal, við þjóðveg 1, hlýlegri sveit í dalhvilft upp frá ströndinni undir rótum Mýrdalsjökuls, á mörkum Suðaustur- og Suðurlands. Mýrdalur er í nýstofnuðum Kötlu jarðvangi (Katla Geopark). Hér bjóðast ótal tækifæri til útivistar, gönguferða og fuglaskoðunar og stutt er í ýmsar kunnar náttúruperlur. Opið frá 1. júní til 15. september. 

Frá:20.000kr
hver nótt
Veldu dagsetningar
Bóka núna
  • Bær nr: 634
  • Gerð: Gistihús , Gisting með búskap
  • Árstíðir: Sumar
  • Svæði: Suðurland
  • Sameiginlegt baðherbergi
  • Sér baðherbergi
  • Fjölskylduherbergi 3+
  • Hefðbundinn búskapur
  • Þvottaaðstaða
  • Kreditkort
  • Opnir miðar

Í nágrenni

  • Mýrdalsjökull 
  • Jarðhita sundlaug og golf í Vík 6 km
  • Reynisfjara 8 km
  • Dyrhólaey 12 km
  • Snjósleðaferðir á Sólheimajökul, jöklagöngur og ísklifur 24 km
  • Skógafoss 26 km
  • Skógar byggðasafn 26 km

Gistiaðstaða

1x2 manna og 1x3 manna herbergi með sérbaðherbergi og 3x2 manna herbergi með sameiginlegu baðherbergi. Setu- og borðstofa.

 
Veitingar/máltíðir

Morgunverður er innifalinn í gistiverði. Næsti veitingastaður er í þorpinu Vík (6 km).

 
Þjónusta/afþreying

Gestir hafa aðgang að þvottavél. Verslun og sundlaug í þorpinu Vík (6 km). 9 holu golfvöllur við þorpið. Jöklaferðir með leiðsögumanni, á vélsleðum eða fótgangandi (24 km). Gott byggða- og minjasafn á Skógum (26 km).

 
Óskastaður útivistarfólks og fuglaskoðara

Mýrdalur er grösug og hlýleg sveit á milli svartra eyðisanda. Upp af láglendinu rísa heiðar, hálsar og móbergsfjöll, skorin sundur af þröngum dölum og hrikalegum gljúfrum allt að Mýrdalsjökli. Hér er paradís útivistarfólks og áhugaverðar gönguleiðir við allra hæfi. Fuglalíf er mikið og fjölbreytt og víða hægt að fara í fuglaskoðun. Fýllinn er einkennisfugl Mýrdals og heldur til í hömrum og giljum um alla sveit.

 
Svartir sandar, stuðlabergsheimur og klettahallir

Reynisfjara (8 km) er einn af kunnustu ferðamannastöðum í Mýrdal. Þar fellur úthafsaldan að svörtum fjörusandinum en rétt ofan við sjávarmál, austan megin, eru fagrar stuðlabergsmyndanir og hellisskútar. Undan landi rísa tignarlegir Reynisdrangar. Vestan megin við fjöruna rís önnur fjölsótt náttúruperla, Dyrhólaey (12 km), hömrum girtur höfði með fjölskrúðugum gróðri og einstöku fuglalífi.

 
Víkurfjara, Hjörleifshöfði, Skógafoss

Sandfjaran hjá þorpinu Vík er vinsælt útivistarsvæði; National Geographic gaf henni nafnbótinu „ein af tíu fegurstu ströndum heims“. Austur af Vík er rís Hjörleifshöfði upp af Mýrdalssandi (21 km) en í norðaustri frá sandinum sér upp á hjarnbreiður Mýrdalsjökuls, jökulsins sem geymir eldfjallið Kötlu. Frá Giljum eru 26 km að Skógum. Þar er einn kunnasti foss á Íslandi, Skógafoss, og fjölbreytt og fróðlegt byggðasafn sem gefur góða mynd af lífi og kjörum íbúa á þessum slóðum á fyrri tíð.


Gestgjafar: Ólafur og Birna.

 

In the area