Hótel Háland er rekið af Hótel Rangá í samstarfi við Hálendismiðstöðina í Hrauneyjum. Í hótelinu eru 16 herbergi í IV. flokki, 2 tveggja til fjögurra manna lúxussvítur og 2 fjögurra til sex manna fjölskyldusvítur. Þar er gufubað, heitur pottur, góður veitingastaður og 40 manna ráðstefnu- og veislusalur.

 

Kortlagðar og merktar gönguleiðir í nágrenninu, sumar þeirra góðar skíðagönguleiðir og reiðleiðir. Kjörið er að hafa hér samastað og fara í dagsferðir, jafnt að sumri sem vetri. Í næsta nágrenni eru margar þekktustu og fjölsóttustu náttúruperlur hálendisins s.s. Landmannalaugar, Hekla, Þjórsárdalur, Veiðivötn og Sprengisandur. Síðasta þjónusta með bensín o.fl. áður en lagt er á hálendið.

 

Hótel Háland er við veg 26, sem er malbikaður alla leið úr Reykjavík. Áætlunarbílar stoppa í Hrauneyjum.

 

 

Opið: 01.02. - 15.09 (opnum sérstaklega fyrir hópa með 12 eða fleiri herbergi).

 

Næsta þéttbýli: Flúðir 90 km, Hella/Selfoss 100 km.

 
Sundlaug: Þjórsárdalur 30 km.