Gistiheimilið Fljótsdalsgrund í Fljótsdal býður uppá notalega gistingu í 10 x 2ja manna stúdíóíbúðum með sérbaðherbergi, eldunaraðstöðu og sjónvarpi. Svefnsófar eru í þremur íbúðum sem hentar vel fjölskyldufólki. Svefnpokapláss í sal fyrir allt að 20 manns og fullbúið tjaldsvæði með aðstöðu fyrir húsbíla. 

Stórt sameiginlegt rými með arni og stór verönd með grillaðstöðu. Leiksvæði fyrir börn. Gott aðgengi fyrir fatlaða.

Morgunverður í boði og kvöldverður frá 15. júní til 20. ágúst ef bókað er fyrirfram.

Einstök náttúra allt um kring, góð staðsetning fyrir veiði, hreindýraveiðar, göngur og skoðunarferðir um Austurland.  Á Fljótsdalsgrund er einstök kyrrð og ró, myrkrið fær að njóta sín og oft er hægt að sjá Norðurljósin á fallegum vetrarkvöldum. 

Hentugur staður fyrir ættarmót og aðra viðburði, möguleiki á að kveikja á brennu.

Gestgjafar Helga Hallbjörg Vigfúsdóttir, Jósef Valgarð Þorvaldsson