Bjarteyjarsandur er jörð á fallegum stað í innanverðum Hvalfirði. Gisting í vel útbúnum sumarhúsum, öll með heitum potti, og á tjaldstæði.

Á Bjarteyjarsandi er sauðfjárrækt og ferðaþjónusta tvinnuð saman með ýmsum hætti, með hugmyndafræði sjálfbærrar þróunar að leiðarljósi og áherslu á heimilislegt andrúmsloft.

Ýmsir útivistarmöguleikar eru til staðar í Hvalfirðinum s.s. fjöruferðir, gönguferðir við allra hæfi, hjólreiðar og sjósund. Gestir geta einnig tekið þátt í hefðbundnum verkum á sauðfjárbúi s.s. smalamennsku og réttum og öðrum verkum s.s. kræklingatínslu.

Fjölbreytt dýralíf er á bænum og leikvöllur á svæðinu fyrir börn.

Tekið er á móti hópum í mat í Hlöðuna, þar sem matseðillinn er byggður á hráefni frá bænum m.a. þurrkað og grafið ærkjöt, Botnsheiðarlambalæri, sveitakæfa, fíflahunang, haugarfapestó og margt fleira. Tónlist og aðrir menningarviðburðir eiga sér einnig oft stað hér.

Gallerý Álfhóll: Opið allt árið um kring, handverk og afurðir beint frá býli. Jólamarkaður í desember.

60 manna sal­ur til út­leigu með eða án tjald­svæð­is.

 

Bjarteyjarsandur er við veg 47.

> Bjarteyjarsandur var bær mánaðarins í júlí 2012. Bær mánaðarins er sérstök viðurkenning sem veitt er einum fyrirmyndar ferðaþjónustubæ innan vébanda Ferðaþjónustu bænda í hverjum mánuði. Valið er byggt á umsögnum gesta og mati starfsfólks skrifstofu Ferðaþjónustu bænda þar sem horft er til frammistöðu bæjarins á sviði gæða - og umhverfismála, vöruþróunar og í þjónustu við viðskiptavini.

 
Opið: Allt árið

  

---