Hraunsnef er fjölskyldurekið sveitahótel staðsett skammt frá Bifröst á Vesturlandi.
10 rúmgóð herbergi með sér baði og sjónvarpi. Öll herbergin eru með sér inngangi og mismunandi litaþema. Einnig tvö smáhýsi með lítilli eldunaraðstöðu.
Heimilislegt andrúmsloft ríkir á hótelinu. Hlýlegur
veitingastaður sem býður upp á
rétti úr heimaræktuðu hráefni og hráefni úr héraði. Bændurnir á Hraunsnefi rækta eigið grænmeti og fá egg og svínakjöt frá frjálsu hænunum og grísunum á bænum. Lítill sveitamarkaður er á staðnum. Einnig annar sér veitingasalur/setustofa.
Tveir heitir pottar eru staðsettir við hliðina á litlum læk, með góðu fjallaútsýni.
Góð aðstaða fyrir börn; leiksvæði og
vinaleg dýr á bænum meðal annars grísir, hestar, hundar og hænsni.
Skemmtilegar
gönguleiðir eru í nágrenninu og álfakort eftir Erlu Stefánsdóttur eru fáanleg.
Hraunsnef er vel staðsett fyrir dagsferðir á Snæfellsnesi og um Vesturland. Meðal markverðra staða í nágrenninu má nefna Grábrók, Glanna, Hreðavatn, Deildartunguhver, Hraunfossa og Barnafossa, Landnámssetur Íslands í Borgarnesi, Reykholt og Víðgelmi.
Hraunsnef er við veg 1.
> Hraunsnef var bær mánaðarins í mars 2013. Bær mánaðarins er sérstök viðurkenning sem veitt er einum fyrirmyndar ferðaþjónustubæ innan vébanda Ferðaþjónustu bænda í hverjum mánuði. Valið er byggt á umsögnum gesta og mati starfsfólks skrifstofu Ferðaþjónustu bænda þar sem horft er til frammistöðu bæjarins á sviði gæða - og umhverfismála, vöruþróunar og í þjónustu við viðskiptavini.
Hafðu samband
Opið: 01.02 - 31.12
Búskapur: Hestar, hænsni, hundar, grísir og kindur.
Veitingar: Veitingastaður og bar á staðnum fyrir gesti og gangandi.
Afþreying: Gönguleiðir, jeppaferðir.
Áhugavert: Grábrók, Glanni, Hreðavatn, Deildartunguhver, Hraunfossar og Barnafossar, Landnámssetur Íslands í Borgarnesi, Reykholt og Víðgelmir.
Næsta þéttbýli: Borgarnes 35 km
Verslun: Bifröst 3,5 km
Golf: Glanni 4 km
Sundlaug: Varmaland 17 km